«Prezıdenttik respýblıka» − Konstıtýtsııada elimizdiń basqarý nysany naqtylandy

ASTANA. KAZINFORM – Memlekettik keńesshi – Konstıtýtsııalyq komıssııa tóraǵasynyń orynbasary Erlan Qarın Konstıtýtsııanyń jańa mátinindegi mańyzdy tolyqtyrýlar týraly aıtyp berdi.

− Qazirgi qoldanystaǵy Konstıtýtsııadaǵy «Qazaqstan Respýblıkasy – Prezıdent basqarý nysanyndaǵy birtutas memleket» degen normany naqtylap, jańa redaktsııada «Qazaqstan Respýblıkasy – ýnıtarly memleket, basqarý úlgisi – Prezıdenttik respýblıka» dep naqty jazýdy usynamyz, − dedi Erlan Qarın Konstıtýtsııalyq komıssııanyń besinshi otyrysynda.

Sondaı-aq, qoldanystaǵy Konstıtýtsııanyń 3-babynda «Memlekettik bıliktiń birden-bir bastaýy – halyq» dep kórsetilgen. Oǵan «Egemendik ıesi» degen sóz tirkesin qosý qajettigi aıtylyp otyr.

Sondyqtan bul bapty «Memlekettik bıliktiń birden-bir bastaýy jáne egemendik ıesi – Qazaqstan halqy» dep jazý usynyldy. Bul konstıtýtsııalyq qurylystyń ishki logıkalyq tutastyǵyn qamtamasyz etedi.

Osyǵan deıin Erlan Qarın Qazaqstanǵa jańa Konstıtýtsııa ne úshin qajet ekenin aıtty.