Prezıdenttik arnaýly ádebı syılyqqa ótinimder qabyldaý bastalady
ASTANA. KAZINFORM – 16 naýryzda qazaqstandyq jas jazýshylar men aqyndarǵa arnalǵan Prezıdenttik arnaýly ádebı syılyqqa úmitkerlerden ótinim qabyldaý bastalady. Bul týraly Mádenıet jáne aqparat mınıstrligi habarlady.
Syılyq jas qalamgerlerge memlekettik qoldaý kórsetý, daryndy aqyn-jazýshylardyń jańa býynyn qalyptastyrý maqsatynda bıyl tórtinshi ret taǵaıyndalyp otyr. Ádebı syılyqqa 18-35 jas aralyǵyndaǵy qalamgerler buryn halyqaralyq jáne ulttyq baıqaýlarǵa qatyspaǵan týyndylarymen úmitker bola alady.
Ótinim «Proza», «Poezııa», «Dramatýrgııa» jáne «Balalar ádebıeti» nomınatsııalary boıynsha qabyldanady. Avtor tek bir nomınatsııaǵa ǵana ótinim joldaýy tıis.
Ótinimdi 2026 jylǵy 16 naýryz ben 16 maýsym aralyǵynda qaǵaz jáne elektrondy túrde myna mekenjaıǵa joldaý qajet: Astana qalasy, Máńgilik El dańǵyly, 8, 14 kireberis, QR MAM Arhıv, qujattama jáne kitap isi komıteti, 273 kabınet.
Qosymsha aqparatty +7 707 525 24 54, 8(7172)740407; 740384; 740408 nómirleri boıynsha alýǵa bolady.
Eske salsaq, buǵan deıin Qazaqstanda alem.ai battle jasandy ıntellekt baıqaýyna ótinim qabyldaý bastalǵanyn habarlaǵanbyz.