Prezıdenttiń arnaýly ádebı syılyǵyna ıe bolǵan jas avtorlar anyqtaldy
ASTANA. KAZINFORM — Memleket basshysy «2025 jyly qazaqstandyq jas jazýshylar men aqyndar úshin Prezıdenttiń arnaýly ádebı syılyǵyn berý týraly» Jarlyqqa qol qoıdy. Bul týraly Aqordanyń baspasóz qyzmeti habarlady.
Bıyl jas jazýshylar men aqyndar úshin Prezıdenttiń arnaýly ádebı syılyǵy:
«Proza» nomınatsııasy boıynsha «Tergeýshi» týyndysy úshin Arman Erlanuly Álmenbetke;
«Poezııa» nomınatsııasy boıynsha «Qumdaǵy hıkaıa» óleńder jınaǵy úshin Saıan Kenjeǵalıuly Esjanovqa;
«Dramatýrgııa» nomınatsııasy boıynsha «Aq kıiz» dramalyq shyǵarmasy úshin Baýyrjan Shırmedınuly Mustafıevke;
«Balalar ádebıeti» nomınatsııasy boıynsha «Jazda atamnyń aýylynda...» óleńder jınaǵy úshin Asylan Birjanuly Tilegenovke berildi.
Aıta ketelik keshe Prezıdent Qasym-Jomart Toqaev Bas prokýratýra, Memlekettik kúzet qyzmeti, Іshki ister mınıstrligi qyzmetkerlerine páter kiltin tabystaǵan edi.