Prezıdenttik arnaýly ádebı syılyǵyna ótinish qabyldaý jalǵasýda

ASTANA. KAZINFORM – Jas jazýshylar men aqyndar úshin Prezıdenttik arnaýly ádebı syılyǵyna ótinimder qabyldaý jalǵasýda, dep habarlaıdy QR Mádenıet jáne aqparat mınıstrliginiń baspasóz qyzmeti.

Ádebı syılyqqa 18-35 jasqa deıingi qalamgerler buryn halyqaralyq jáne ulttyq baıqaýlarǵa qatyspaǵan týyndylarymen úmitker bola alady.

Syılyq «Proza», «Poezııa», «Dramatýrgııa» jáne «Balalar ádebıeti» dep atalatyn tórt nomınatsııa boıynsha beriledi. Avtor tek bir nomınatsııaǵa ǵana qatysa alady.

Syılyqtyń ıegerlerine «Qazaqstandyq jas jazýshylar men aqyndar úshin Prezıdenttik arnaýly ádebı syılyqtyń laýreaty» ataǵy beriledi, sondaı-aq dıplom, tósbelgi jáne 4,1 mln teńge kóleminde aqshalaı syıaqymen marapattalady.

Bıyl jas jazýshylar men aqyndarǵa arnalǵan Prezıdenttik syılyq ekinshi ret beriledi. Baıqaýdyń maqsaty – jas qalamgerlerge memlekettik qoldaý kórsetý.

Ótinimdi 2024 jylǵy 31 shildege deıin myna mekenjaıǵa joldaý qajet: Astana qalasy, Máńgilik el dańǵyly, 8, 13 kireberis, QR MAM Arhıv, qujattama jáne kitap isi komıteti, 273 kabınet.