Prezıdenttiń jer qoınaýyn ıgerýge qatysty bastamalary ınvestıtsııalarǵa jol ashady - Ábilfas Hamedov
«Memleket basshysynyń Joldaýda aıtylǵan bastamalaryn tolyqtaı qoldaımyz. Pandemııa kezeńinde shaǵyn jáne orta bıznes áleýmettik turǵydan qoldaýdy qajet etedi. Ol qoldaýdyń qanshalyqty mańyzdy ekenin kórip júrmiz. Halyq ta, shaǵyn bıznes ókilderi de qoldaýdyń aýadaı qajet ekenin aıtýda. Bilim salasynda da, qurylys salasynda da, munaı óńdeý jáne óndirý salasynda da tyń bastamalar kóterildi. Sovet odaǵy kezinen beri ken barlaý málimetteriniń kóbi qupııa ustalǵany jasyryn emes. Jer qoınaýyndaǵy baılyq eldiń damýyna tolyq paıdalanylǵan joq deýge bolady. Endi sol kartalar qupııasyzdandyrylmaqshy. Osynyń arqasynda Qazaqstanǵa ınvestıtsııa kóptep keledi dep oılaımyn», - dedi Májilis ókili Qazaqstan Halqy Assambleıasynyń uıymdastyrýmen ótken dóńgelek ústelde.
Sonymen birge, ol qurylys QHA atynan saılanǵan Májilis depýtattary Memleket basyshsynyń Joldaýdaǵy bastamalaryn zańnamalyq turǵyda qoldaýǵa daıyn ekenin atady.
«Ózim qurylys salasynyń ókili retinde mynany aıta alamyn. Bul sala da qazir zaman talabyna saı beıimdelip, kóptegen bóligin qaıta mamandandyryp jatyr. Búginde qurylystyń formaty ózgergenin kórip otyrmyz. Azyq-túliktiń qymbattaǵany týraly syn kóp aıtylyp júr. Al qurylys materıaldary 100 paıyzǵa deıin qymbattady. Bul máselede Úkimettiń ekonomıkaǵa aralasýy qajet bolyp tur. Halyq laıyqty baspanaǵa qol jetkizsin desek, baǵany rettemeı bolmaıdy. Biz, Qazaqstan Halqy Assambleıasynyń atynan saılanǵan depýtattar osy máselelerdiń sheshimin tabýyna zańnamalyq turǵyda úles qosýymyz kerek», - dedi Ábilfas Hamedov.
