Prezıdenttiń jaqyn týystarynyń laýazymdy basshylyqqa taǵaıyndalýyna zańmen tyıym salynady
«Memleket basshysy barlyq azamattar úshin múmkindikter teńdiginiń myzǵymas kepili bolýǵa tıis. Sondyqtan Prezıdenttiń jaqyn týystary úshin kvazımemlekettik sektordaǵy saıası memlekettik qyzmetshiler men basshylar laýazymdaryna ornalasýǵa zańnamalyq tyıym engiziletin bolady», - dedi Qasym-Jomart Toqaev.
Memleket basshysynyń aıtýynsha, bıliktiń qaı deńgeıi bolsyn bastysy halyqtyń múddesi qorǵalýy kerek.
«Memleket basshysynyń oblystar, respýblıkalyq mańyzy bar qalalar ákimderi aktileriniń kúshin joıýǵa nemese qoldanylýyn toqtata turýǵa quqyǵy bar. Bul norma «qolmen basqarýdyń» artyq tájirıbesin ornyqtyrýǵa yqpal etedi jáne jergilikti atqarýshy organdardyń derbestigin tómendetedi. Sonymen qatar, qazir Prezıdent aýdan, tipti aýyl ákimderin qyzmetinen alyp tastaýǵa quqyly. Mundaı zańnamalyq erejelerdi joıý qajet», - deıdi ol.
