Prezıdenttiń Túrkistan oblysyna jumys saparynan vıdeo jarııalandy
TÚRKІSTAN. QazAqparat – QR Prezıdenti Qasym-Jomart Toqaevtyń Túrkistan oblysyna jumys saparynan vıdeo jarııalandy, dep habarlaıdy QazAqparat.
«Elimizdiń rýhanı jáne tarıhı ortalyǵy - Túrkistan oblysyna jumys saparymen bardym. Myrzakent kentinde Sardoba sýqoımasyndaǵy bógenniń jarylýy saldarynan úılerinen aıyrylǵan turǵyndarǵa arnalǵan jańa yqsham aýdanynyń qurylysymen tanystym. Arys qalasynda ótken jyly jarylys bolǵan áskerı bólimsheni qaıta qalpyna keltirý jumysynyń barysy týraly esep berildi. Sondaı-aq jóndeýden ótken temirjol vokzalyna bardym. Oblys ortalyǵynda túrki áleminiń rýhanı ustazy Qoja Ahmet ıAsaýı kesenesin qalpyna keltirý jumystarynyń barysymen tanystym. ıÝNESKO-nyń álemdik muralarynyń tizimine engen orta ǵasyrlyq sáýlet óneri eskertkishiniń týrıstik áleýeti joǵary. Sonymen qatar Túrkistannyń jańa ınfraqurylymdyq nysandaryn kórip qaıttym. Qala turǵyndary men týrısterge arnalǵan Sapar ortalyǵy men «Jibek joly« saıabaǵynyń da kópshiliktiń kózaıymyna aınalaryna senemin», dep jazdy Prezıdent Instagram -daǵy paraqshasynda.
