Prezıdenttiń Teleradıokesheni elorda týraly beınerolık jarııalady

NUR-SULTAN. QazAqparat – QR Prezıdentiniń Teleradıokesheni Qazaqstannyń Tuńǵysh Prezıdenti kúnine oraı beınerolık jarııalady, dep habarlaıdy QazAqparat.

«1991 jyly dál osy kúni Nursultan Nazarbaev búkilhalyq saılaǵan táýelsiz memlekettiń basshysy boldy. QR Prezıdentiniń Teleradıokesheni «Elbasy armany – elorda» atty beınerolıkti usynady», - delingen Teleradıokeshenniń áleýmettik jelidegi paraqshasynda.

Fılmde elordanyń barlyq qaıtalanbas sulýlyǵy qus ushar bıiktikten ǵajaıyp kadrlarda beınelengen.

«Óz týyndysynyń tabysty bolaryna bir adam ǵana sendi – Tuńǵysh Prezıdent Nursultan Ábishuly Nazarbaev. Ol kisige jańa qalanyń paıda bolý ıdeıasy ǵana emes, Qazaqstan táýelsizdiginiń jylnamasyndaǵy ulttyq maqtanysh pen jarqyn betterge aınalǵan astanany salý umtylysy da tıesili», - dep jazylǵan paraqshada.