Prezıdenttiń Saýd Arabııasy Koroldigine jumys sapary aıaqtaldy
ASTANA. QazAqparat - Prezıdent Qasym-Jomart Toqaevtyń Saýd Arabııasy Koroldigine jumys sapary aıaqtaldy, dep habarlaıdy QazAqparat.
Aıta keteıik, Memleket basshysy 18-19 shildede jumys saparymen Saýd Arabııasyna barǵan bolatyn. Ol eń aldymen Muhammed paıǵambar meshitine zııarat etti.
Qasym-Jomart Toqaev Jıdda qalasyna jumys saparymen bardy. Onda Kýveıttiń Taq muragerimen, Tájikstan Prezıdenti Emomalı Rahmonmen kezdesti.
Prezıdent Ortalyq Azııa + Shyǵanaqtaǵy arab memleketteriniń yntymaqtastyǵy keńesine qatysyp, sóz sóıledi.
Memleket basshysy «Ortalyq Azııa + Shyǵanaqtaǵy arab memleketteri» sammıtin tarıhı kezdesýge balady. Sodan soń, Shyǵanaq elderi – kóptegen negizgi baǵyttar boıynsha bizdiń eń mańyzdy seriktesimiz ekenin aıtty.
