Prezıdenttiń partııaǵa músheligin toqtatý kerek - Qasym-Jomart Toqaev
NUR-SULTAN. QazAqparat – Memleket basshysy Qasym-Jomart Toqaev halyqqa joldaýynda Prezıdenttiń partııa múshesi bolýyn zańdy turǵydan toqtatýdy usyndy, dep habarlaıdy QazAqparat tilshisi.
«Men Prezıdenttiń ókilettik kezeńinde partııaǵa músheligin toqtatý mindetin zańnamalyq túrde resimdeýdi usynamyn. Bul norma saıası básekelestikti arttyrady, barlyq partııalardyń damýy úshin teń jaǵdaıdy qamtamasyz etedi», - dedi Qasym-Jomart Toqaev.
Sondaı-aq, Memleket basshysy ákimderdiń partııa fılıaldaryn basqarýdy toqtatý kerektigin aıtty.
«Ákimder men olardyń orynbasarlaryna partııa fılıaldarynda qyzmet atqarýǵa zań júzinde tyıym salý kerek. Mundaı sheshimder kóppolıarly partııalyq júıeni qalyptastyrýǵa múmkindik beredi», -deıdi ol.
«Qasiretti qańtardyń» mańyzdy sabaǵy-memlekettegi eń joǵary laýazymdy tulǵanyń qolyndaǵy ókilettikterdiń shoǵyrlanýy oǵan jaqyn adamdar men qarjy-olıgarhııalyq toptardyń áserin negizsiz kúsheıtedi. Olar memleketti jeke menshik retinde qabyldaıdy», - dedi Prezıdent.
