Prezıdenttiń ókilettiligin uzartý bizdiń memleketimizdegi óte mańyzdy shara- rektor B. Ábdiraıymov
ASTANA. 29 jeltoqsan. QazAqparat /Rýslan Ǵabbasov/ - Prezıdenttiń ókilettiligin uzartý bizdiń memleketimizdegi óte mańyzdy shara. Bul týraly búgin Astanada QR Konstıtýtsııalyq Keńesiniń 15 jyldyǵyna arnalǵan halyqaralyq ǵylymı-tájirıbelik konferentsııa barysynda L.N. Gýmılev atyndaǵy Eýrazı ulttyq ýnıversıtetiniń rektory, zań ǵylymdarynyń doktory Baqytjan Ábdiraıymov aıtty.
«Prezıdenttiń ókilettiligin uzartý bizdiń memleketimizdegi mańyzdy sharalardyń qataryna jatady. Al Konstıtýtsııanyń mánisi osy referendýmdy ótkizýge múmkindik týdyrady. Endi Ata Zańǵa naqty ózgeris engizemiz, ıaǵnı «Referendým týraly» Zańda kórsetilgen bapty Konstıtýtsııaǵa engizemiz desek, bul qadamdar da qaıshy bolmaıdy. Bul Parlamenttiń jáne halyqtyń qolyndaǵy quziret»,-dedi B. Ábdiraıymov
«Elimizdiń Ata Zańynyń 3-babynda memlekettik bıliktiń bastaýy Qazaqstan Respýblıkasynyń halqy dep aıtylǵan. ıAǵnı, halyq óz ókilettiligin memlekettik bılikke ártúrli ádistermen júrgizedi. Eń negizgi ádistiń biri - ol respýblıkalyq referendým ótkizý. Menińshe, Ata Zańǵa da, «Referendým týraly» zańǵa da bul referendýmdy ótkizý qaıshy emes. Sebebi «Referendým týraly» zańda búgindegi máseleler týra kórsetilgen»,-dep túıindedi sózin zańger.
Aıta keteıik, eldiń Tuńǵysh Prezıdenti - Ult kóshbasshysy Nursultan Nazarbaevtyń ókilettiligin 2020 jyldyń 6 jeltoqsanyna deıin uzartýǵa arnalǵan respýblıkalyq referendým ótkizý jónindegi bastamashyl top bul máseleni birneshe kún buryn kótergen bolatyn. Osy oraıda búgin QR Parlamenti Májilisiniń jalpy otyrysynda Parlament depýtattary QR Konstıtýtsııasyna ózgeris engizý máselesi boıynsha QR Prezıdentiniń respýblıkalyq referendým taǵaıyndaýy týraly Memleket basshysynyń atyna Úndeý joldady.
