Prezıdenttiń maqalasynda usynylǵan jobalardyń bári de ǵylymı sıpatqa ıe - TWESCO sarapshysy
«Prezıdenttiń «Uly dalanyń jeti qyry» maqalasynda eki bólik, tipti úsh bólik - Túrki álemine arnalyp otyrǵanyn erekshe atap ótýge bolady. Úshinshi dep otyrǵanym - Uly Jibek joly da aınalyp kelgende túrki halyqtary tarıhynyń bir bólshegi. Maqalanyń túpki oıyn men bylaısha uqtym: bizde maqtan tutarlyq tarıh barshylyq, biraq bul maqtanysh keleshekte alǵa qadam basý úshin motıvator bola bilýi tıis. ıAǵnı, bul maqtanysh tek ótkenimizben maqtanýmen shektelmeı, aldaǵy damý dańǵylyna baǵyttaıtyndaı kúsh bola bilýi kerek. Mine, maqaladan men osy ıdeıany túısindim», - deıdi Tımýr Kozyrev.
Onyń aıtýyna qaraǵanda, eń aldymen maqalada usynylyp otyrǵan jobalardyń bári de ǵylymı sıpatqa ıe.
«Bul óte mańyzdy, sebebi keıbir jas ulttyq memleketter tarıhyn túgendeýge kúmp bergenimen, bul jumys kóp jaǵdaıda kásibı turǵyda iske asa bermeıdi. Bunyń arty tipti tragedııaǵa deıin aparýy yqtımal. Alaıda Qazaqstanda mundaı jaǵdaılardan kóp jaǵdaıda boıyn aýlaq ustaıtyny belgili. Mine, sondyqtan Prezıdent tarıhpen maqtana alatyndaı, alaıda tarıh - ańyzdar legine aınalyp ketpeýine erekshe mańyz berip otyr. Demek, tarıhtyń ár kezeńi ǵylymı turǵyda dáleldenip, biz ertegilermen emes, naqty faktilermen maqtana alatyndaı bolýymyz kerek», - deıdi ol.
Ǵalymnyń aıtýynsha, túrkologııa ǵylymyna erekshe kóńil bólinýiniń de ózindik sebebi bar.
«Qazaqstan túrkologııanyń álemdik ortalyǵyna aınalýdy kózdep otyr. Maqalada aıtylǵanyndaı, jospar boıynsha Astanada keler jyly Búkilálemdik Túrki kongresin ótkizý josparlanýda. Jalpy, dál osy baǵytta Túrki akademııasy da jumysyn jalǵastyratyn bolady. Biz osymen qatarynan úshinshi jyl «Uly dala» atty forýmyn ótkizip kele jatyrmyz. Ol forýmdarǵa álemniń túkpir-túkpirinen túrkitanýshylar kelgen. Keler jyly tórtinshi forým keńeıtilgen formatta ıaǵnı, Búkilálemdik Túrki kongresi retinde ótetin bolady», - dedi Tımýr Kozyrev.
