Prezıdenttiń Qostanaı oblysyna jumys sapary aıaqtaldy
Q.Toqaev óńirge búgin tańerteń barǵan bolatyn.
Prezıdent eń aldymen Rýdnyıdaǵy jylý qubyryndaǵy jarylys saldarymen tanysyp, óńir basshylyǵynyń qalpyna keltirý jumystary týraly baıandamasyn tyńdady.
Memleket basshysy qala turǵyndarymen kezdesý barysynda azamattardyń ómirine qaýip tóndirýge bolmaıtynyn, Qostanaı oblysy men qala ákimdigi Rýdnyıdaǵy jaǵdaıdy jedel qalpyna keltirýi tıistigin aıtty. Q.Toqaev úılerge jylýdyń qaıta berilgenin óz kózimen kórý úshin Rýdnyı turǵyndarynyń biriniń shaqyrýymen onyń páterine bardy.
Keıin Prezıdent Rýdnyı qalasyndaǵy «Jas-Qanat 2006» qus fabrıkasyna baryp, sharýashylyqqa zamanaýı tehnologııalardy engizý jónindegi pılottyq jobanyń júzege asyrylý barysymen tanysty.
Sondaı-aq «Sokolov-Carybaı ken baıytý óndiristik birlestigi» (SSKÓB) aktsıonerlik qoǵamyna baryp, Sokolov ken ornynyń jumysymen tanysty.
Lısakov qalasynyń jylý elektr ortalyǵyna barǵan Memleket basshysyna jylý ortalyǵynyń jabdyqtalýy men qalanyń kommýnaldyq ınfraqurylymynyń qazirgi jaǵdaıy jóninde málimet berildi.
Budan bólek Qasym-Jomart Toqaev Lısakov qalasyndaǵy balalarǵa arnalǵan «Alaqaı» otbasylyq demalys ortalyǵyna bardy, Allur zaýytynda Kia avtomobılderiniń shaǵyn toraptyq óndirisin (CKD) iske qosty.
