Prezıdenttiń Konstıtýtsııalyq keńeske joldaǵan úndeýimen jumys isteýge bilikti sarapshylar tartylýda
ASTANA. 17 qańtar. QazAqparat - Konstıtýtsııalyq Keńeske «QR Konstıtýtsııasyna ózgertý men tolyqtyrý engizý týraly» QR Zańynyń Konstıtýtsııaǵa sáıkestigin qaraý týraly Prezıdent N.Á.Nazarbaevtyń úndeýi kelip tústi, dep habarlady Konstıtýtsııalyq keńestiń baspasóz qyzmetinen.
«Referendýmda QR Tuńǵysh Prezıdenti - Elbasy Nursultan Ábishuly Nazarbaevtyń prezıdenttik ókilettigin uzartý múmkindigin qarastyrǵan joǵarydaǵy zań 14 qańtarda Parlament palatalarynyń birlesken otyrysynda qabyldanyp, Elbasyǵa qol qoıýǵa jiberilgen bolatyn. Konstıtýtsııalyq keńes 17 qańtardaǵy otyrysynda Elbasynyń osy úndeýin qaraýǵa qabyldady», - delingen baspasóz máslıhatynda.
Qazir memlekettik organdardyń ókilderiniń qatarynan konstıtýtsııalyq óndiriske qatysýshylardy anyqtaý, qajetti qujattar men basqa da materıaldardy jınaý jáne zerdeleý jónindegi daıyndyq jumystary bastaldy. Bul jumysqa eń bilikti otandyq jáne sheteldik sarapshylar tartylýda.
Ata zańǵa sáıkes Konstıtýtsııalyq keńes Elbasynyń úndeýin bir aıdyń ishinde qarap shyǵyp, qorytyndy shyǵarýy kerek.
