Prezıdenttiń Qazaqstan halqyna Joldaýynda halyqtyń turmysyn jaqsartý basty másele retinde qoıyldy - Qazaq strategııalyq zertteýler ınstıtýtynyń dırektory
ASTANA. Qańtardyń 29-y. QazAqparat /Rasýl Bahamov/ - Prezıdenttiń Qazaqstan halqyna Joldaýynda halyqtyń turmysyn jaqsartý basty másele retinde qoıyldy. ıAǵnı ekonomıkanyń sapasy adamnyń ómir súrý sapasyn jaqsartý úshin irgetas retinde qaralady, dedi Qazaq strategııalyq zertteýler ınstıtýtynyń dırektory Bolat Sultanov.
B.Sultanov N.Nazarbaevtyń sózin qańtardyń 28-inde jasalǵan AQSh prezıdenti Barak Obamanyń jyl saıynǵy joldaýymen salystyrdy.
«Eger salystyrmaly taldaý jasasaq, eki joldaýda da álemdik qarjy daǵdarysyna, ekonomıkalyq damýǵa baılanysty negizdep aıtylǵan», - dedi B.Sultanov.
Solaı bolǵanymen, eki prezıdenttiń de sóılegen sózderinde basty baǵdar azamattardyń múddelerin qorǵaý bolyp tabylady. Mysaly, Memleket basshysy da jáne AQSh prezıdenti de densaýlyq saqtaý sapasyn jaqsartý qajettigin atap aıtty.
Qazaq strategııalyq zertteýler ınstıtýtynyń dırektory eki prezıdenttiń de mindetterdi dál kórsetip bergenin atady - beıbitshilikti, turaqtylyqty jáne qaýipsizdikti saqtaý. «Aýqymy boıynsha eki el teń dárejede bolmaǵanymen, biraq uqsas mindetter qoıylyp otyr, olar jahandaný kezeńine ábden saı keledi», - dedi B.Sultanov.
Ekonomıkalyq sıpattaǵy qoıylǵan mindetter de uqsas bolyp tabylady, ǵylym men bilim berýdi damytý boıynsha maqsattar da osylaısha belgilengen.
Barak Obama da jáne Nursultan Nazarbaev ta óz joldaýlarynda óndiristi qarqyndy damytýdy saýatty jáne daıarlyǵy mol kadrlarsyz qurýǵa bolmaıtynyn basa aıtty. N.Nazarbaevtyń Joldaýynda 12 jyldyq bilim berýge kóshýdi aıaqtaý mindetin qoıýy kezdeısoqtyq emes.
AQSh jáne Qazaqstan prezıdentteriniń sóılegen sózderindegi mańyzdy másele shaǵyn jáne orta bıznesti qoldaý taqyryby bolyp tabylady. Osy sektordy belsendi damytý tek ekonomıka úshin ǵana emes, azamattyq qoǵamdy qalyptastyrýǵa negiz qurý úshin mańyzdy, dep sanaıdy Qazaq strategııalyq zertteýler ınstıtýtynyń dırektory.
