Prezıdenttiń Іs Basqarmasyna qarasty Ortalyq klınıkalyq aýrýhana statsıonarynda 7 myń adam emdeldi
Olarǵa eń jıi kórsetilgen medıtsınalyq kómek túrleri retinde keýde qýysynyń kompıýterlik tomografııasy, ehokardıografııa, spırogramma, holıtsıstaktomııa, jaryqty joıý jáne basqalaryn aıtýǵa bolady.
Osy ýaqyt ishinde Ortalyqtyń emhanasyna kelgen adamdardyń jalpy sany 150 myńnan asady. Olar negizinen elektrokardıografııa (EKG) men ýltradybystyq zertteý jasatyp, oftalmolog, gınekolog, ýrolog mamandardan kómegine júgingen, túrli saraptama tapsyrǵan.
Almatydaǵy Ortalyq klınıkalyq aýrýhana elimizdegi eń ertede ashylǵan medıtsınalyq nysandardyń biri ekenin aıta keteıik. Kópbeıindi klınıka memlekettik qyzmetshilerge, kepildi kólemde tegin medıtsınalyq kómek aıasynda tirkelgen azamattarǵa, sondaı-aq Densaýlyq saqtaý mınıstrliginiń memlekettik tapsyrysy arqyly halyqqa joǵary tehnologııaly arnaıy medıtsınalyq kómek kórsetedi.
