Prezıdenttiń Іs Basqarmasy qyzmetkerleri kúsheıtilgen rejımde jumys isteýde
«Prezıdenttiń Іs Basqarmasy úshin búgin jáne erteń óte jaýapty kúnder bolǵaly tur. Biz elimiz úshin óte mańyzdy is-sharany uıymdastyrýǵa atsalysyp jatyrmyz. Álemdik jáne dástúrli dinder kóshbasshylarynyń Sezine qatysý úshin astanamyzǵa álemniń 50 elinen júzge tarta delegatsııa keldi. Osy aýqymdy sharaǵa qyzmet kórsetý bizdiń Avtosharýashylyqqa, Medıtsınalyq ortalyqtyń aýrýhanasyna, Ákimshilik ǵımarattar dırektsııasyna, Materıaldyq-tehnıkalyq qamtamasyz etý basqarmasynyń Injenerlik ortalyǵyna, resmı is-sharalar bólimi jáne basqa da bólimderimizge júktelip otyr. Ujymnyń 350-den astam múshesi tehnıkalyq qoldaý aıasynda sezge tikeleı atsalysady. Mártebeli qonaqtardy kútip alady, olardy kólikpen tasýǵa, ornalasýyna, tamaqtanýyna, medıtsınalyq turǵyda kómektesýge jaýap beredi», - dedi Aıbek Dádebaev.
Keshe keshke Rım Papasyn elorda áýejaıynan Prezıdent Qasym-Jomart Toqaev kútip aldy.
Keıinnen Qazaqstan Prezıdenti men Rım Papasy Frantsısk Aqordada ekijaqty kezdesý ótkizdi.
Aıta keterligi, Rım Papasy Frantsısktiń elimizge memlekettik sapary Rım Papasy Ioann II Pavel Qazaqstanǵa 2001 jyly kelgennen keıin alǵash ret ótip jatyr. Búgin ol elordada messa ótkizedi. Oǵan 3 myńǵa jýyq adam qatysatyny kútiledi.
