Prezıdenttiń Іs Basqarmasy qaramaǵyndaǵy uıym, mekeme qyzmetkerlerimen kezdespek

ASTANA. QazAqparat - Prezıdent Іs Basqarmasyna qarasty mekemelerdiń ujymymen dástúrli kezdesýdi Materıaldyq-tehnıkalyq qamtý basqarmasynyń Ákimshilik ǵımarattar dırektsııasynan bastadyq.

Bıyl bul mekemeniń qurylǵanyna 30 jyl tolady. Іrgeli kásiporyn elimizdiń mańyzdy memlekettik organdarynyń múltiksiz jumys isteýine jan-jaqty jaǵdaı jasap otyr.

Ujymmen kezdesýde eńbekaqyny kóterý, áleýmettik kómek kólemin ulǵaıtý, baspana alýǵa qoldaý jasaý, jumysqa qajetti tehnıka alý, ǵımarattarǵa jańa jıhaz qoıý, qyzmetkerlerdiń arnaıy jumys kıimin jańartý, jumys protsesin jetildirý jáne basqa da taqyryptardy sóz ettik.

Jalpy, qyzmetkerlerdi alańdatqan máselelerdi estip-bilip, ózderimen birlesip talqylaý óte mańyzdy dep sanaımyn. Kezdesýlerden bólek, pikir, usynys alý úshin qosymsha qural retinde Prezıdent Іs Basqarmasynda QR-kod arqyly keri baılanys júıesi ornatylǵanyn aıta ketkim keledi. Onyń kómegimen kez-kelgen qyzmetker óziniń ótinishin basshylyqqa jetkize alady.

Ózara dıalog ornatý arqyly ishki kommýnıkatsııany jetildirý qyzmetkerlerdiń jaǵdaıyn jaqsartýǵa, jumys sapasyn arttyrýǵa oń yqpal etedi. Sol úshin de byltyrdan beri Prezıdenttiń Іs Basqarmasyna qarasty kásiporyndardyń barlyǵynda kezdesý ótkizip júrmiz.

Qadirli áriptester, kókeılerińizde júrgen saýaldaryńyz, usynys-pikirlerińiz, kóteretin máselerińizdi aldaǵy kezdesýlerde tyńdaýǵa ázirmiz.