Prezıdenttiń ekonomıkalyq baǵdarlamasy Qazaqstanda orta sanattaǵy adamdardyń deńgeıin kóptep arttyrady - caıasattanýshy A. Mohantı
ASTANA. QazAqparat - Qazaqstan Prezıdentiniń ekonomıkalyq baǵdarlamasy elde orta sanattaǵy adamdardyń deńgeıin kóptep arttyrýǵa múmkindik beredi. Bundaı pikirdi búgin Astanada ótip jatqan «Qazaqstandyq jol - bolashaǵy bir ult» atty halyqaralyq saıasattanýshylar kongresinde Dj. Nerý atyndaǵy ýnıversıtettiń Reseı men Ortalyq Azııany zertteý ortalyǵynyń tóraǵasy Arýn Mohantı aıtty.
«Qazaqstannyń saıasaty aldaǵy 30 jylda eldi álemniń damyǵan 30 iri memleketiniń birine aınaldyrýǵa negizdelgen bul baǵytta qazirgi kezde naqty sharalar kózdelgen. Kez kelgen memlekettiń negizi - ol orta sanattaǵy adamdardyń turaqtylyǵy. Saılaýaldy naýqany barysynda Nursultan Nazarbaev qoǵamnyń negizin quraıtyn aýqymdy orta sanatty qurý týraly aıtqan bolatyn. Máselen, eýropalyq elderde turaqtylyq faktory - orta sanat. Orta sanattaǵylar eýropalyq jáne ózge de damyǵan elderde shamamen halyqtyń 60-70 paıyzyn qurap otyr», - dedi A. Mohantı.
Búginde Qazaqstan osyndaı maqsatty aldyna qoıyp otyrǵanyna toqtalǵan ol, aldaǵy 10-15 jylda bundaı sanat qalyptasatyndyǵyn jáne onyń deńgeıi halyqtyń shamamen 70 paıyzyn qamtıtyndyǵyn, sondaı-aq olar eldegi turaqtylyqtyń negizi bolatyndyǵyn atap ótti.
«Bundaı saıasattyń ekonomıkalyq komponenti - damý baǵdarlamasyn júzege asyrý jáne jumys oryndaryn qurý. Bul baǵytta Prezıdent ınfraqurylymdy damytý jaıynda, bárinen buryn áleýmettik ınfraqurylymdy qurý týraly aıtýda. ıAǵnı, bilimdi, densaýlyq saqtaýdy damytýǵa qomaqty qarjy salynyp, myǵym ındýstrıaldy ınfraqurylymdy qurýǵa aıryqsha mán berilmek», - dedi sarapshy.
Onyń paıymynsha, kóliktik ınfraqurylymdy damytý óte mańyzdy. Bul óz kezeginde Qazaqstanda biryńǵaı naryqty qurýǵa qajet. «Jibek joly» jobasy aıasyndaǵy ınvestıtsııalar aldaǵy 10-15 jylda júz myńdaǵan jumys ornyn qurýǵa jol ashady.
