Prezıdenttiń daǵdarysqa qarsy bastamalary qalaı iske asyrylyp jatyr
NUR-SULTAN. QazAqparat – Ulttyq bank tóraǵasy Erbolat Dosaev ekonomıkany qoldaý sheńberinde Prezıdenttiń daǵdarysqa qarsy bastamalary qalaı iske asyrylyp jatqanyn aıtyp berdi, dep habarlaıdy QazAqparat tilshisi.
«Tótenshe jaǵdaıdyń engizilýinen zardap shekken ShOB sýbektilerin jeńildikpen kredıtteý baǵdarlamasy boıynsha 4 maýsymǵa deıin kásipkerler
494,4 mlrd teńge somasyna 2 041 ótinim berdi. Olarǵa 197,6 mlrd teńgege 1 467 qaryz berildi. Sonymen qatar «Qarapaıym zattar ekonomıkasy» baǵdarlamasy boıynsha 5 maýsymdaǵy jaǵdaı boıynsha bankter jalpy somasy 305,1 mlrd teńgege 526 ótinim qabyldandy. 210,4 mlrd teńge somasyna 422 qaryz berildi», - dedi Erbolat Dosaev Úkimet otyrysynda.
Ulttyq bank tóraǵasy sonymen qatar «7-20-25» baǵdarlamasy boıynsha 216,5 mlrd teńgege 18 769 ótinim maquldanǵanyn, onyń ishinde 183,9 mlrd teńgege 15 556 qaryz berilgenin jetkizdi.
«Baspana Hıt» naryqtyq ıpotekalyq baǵdarlamasy boıynsha 4 maýsymda 244,4 mlrd teńge somaǵa 29 324 ótinish maquldandy. 198 mlrd teńgege 24 277 ıpoteka nesıesi berildi», - dep túıdi Erbolat Dosaev.
