Prezıdenttiń bastamasymen qabyldanǵan memlekettiń damý baǵdarlamalaryn iske asyrý, onyń ıdeıalyq dem berýshisiniń tikeleı basshylyǵymen júrgizilýi naqty tabys kepili bola alady - M. Kópeev
ASTANA. 14 qańtar. QazAqparat /Aıdar Ospanalıev/ - «Qazaqstan Respýblıkasynyń Konstıtýtsııasyna ózgeris engizý týraly Zań jobasynyń tarıhı máni men onyń Qazaqstannyń odan ári damýyndaǵy mańyzdylyǵy Senat pen Májiliste jan-jaqty talqylanyp, Parlamenttiń qos palatasy birdeı qujatty qoldady»,- dedi búgin Senat tóraǵasynyń orynbasary Muhambetjan Kópeev Parlament palatalarynyń birlesken otyrysynda.
Onyń sózine qaraǵanda, búginde álem moıyndaǵan Qazaqstannyń zor ekonomıkalyq áleýeti men halyqaralyq arenadaǵy bıik mártebesi Nursultan Nazarbaevtyń qajyrly qaıratkerliginiń arqasy. «Ásirese, elimizdiń damýdaǵy naryqtyq ekonomıka jáne syndarly syrtqy saıasat qalyptastyrýdaǵy, qarjy-ekonomıkalyq daǵdarysty eńserýdegi, ultaralyq kelisimdi qamtamasyz etip, azamattyq qoǵam qurýdaǵy Elbasynyń eren eńbegi, kóregendigi men tabandylyǵyn erekshe ataý qajet. Al Prezıdenttiń bastamasymen qabyldanǵan memlekettiń damý baǵdarlamalaryn iske asyrý, onyń ıdeıalyq dem berýshisiniń tikeleı basshylyǵymen júrgizilýi naqty tabys kepili bola alady»,-dep atap kórsetti Senat tóraǵasynyń orynbasary.
