Prezıdenttiń bastamalary memlekettiń damýyna tyń serpin beredi - Máýlen Áshimbaev

ASTANA. QazAqparat - Memleket basshysynyń jańa áleýmettik bastamalary memlekettik damýyna tyń serpin beredi. Bul týraly «Prezıdenttiń bes áleýmettik bastamasy» boıynsha Demokratııalyq kúshterdiń «Qazaqstan-2050» jalpyulttyq koalıtsııasy otyrysynda «Nur Otan» partııasy Tóraǵasynyń birinshi orynbasary Máýlen Áshimbaev málim etti, dep habarlaıdy QazAqparat.

«Prezıdenttiń bul bastamalary elimizdiń áleýmettik jaǵdaıyn jańa deńgeıge kóterip, qarqyndy damýymyzǵa tyń serpin beretinine eshqandaı kúmán joq. Sońǵy jyldary turǵyn úı qurylysy qarqyndy júrip jatyr, degenmen de baspana alýǵa nıetti adamdar barshylyq. Búginde túrli saýalnamalar men partııanyń qoǵamdyq qabyldaýyna kelip túsken ótinimderden, BAQ arqyly, áleýmettik jelilerden baspana alý eń basty problemalardyń biri ekenin baıqalyp otyr. Sondyqtan osy turǵyda jarııa etilgen bastamalar bizdiń qoǵamnyń eń ózekti problemalaryna qatysty ekenin anyq», - dedi M. Áshimbaev.

Onyń paıymynsha, Prezıdent bastamalary ózin-ózi jumyspen qamtyǵandar máselesin sheshýge yqpal etpek.

«Bul bastamalar arqyly tek áleýmettik máseleler ǵana emes, sonymen qatar ekonomıkamyzdyń damýyna, jekeleı salalardy jetildirýge eleýli serpin beriledi. Ipotekalyq nesıeleý elimizde kúsheıtilse, bul óz kezeginde qurylys salasynyń damýyna áser etedi. Osy oraıda jańa jumys oryndary qurylady», - dedi Áshimbaev.

Onyń sózine qaraǵanda, birneshe mıllıon adamnyń salyqtyq jeńildikke ıe bolýy nátıjesinde, olardyń jalaqysynyń artýyna yqpal etedi. Bul turǵyda adamdardyń tutynýshylyq suranysy da joǵarylap, ekonomıkanyń ósimine jeteleıdi.

«Prezıdent bastamalarynyń taǵy bir ereksheligi elimizdiń bolashaǵyna ınvestıtsııa salýǵa qatysty bolyp otyr. Joǵary bilimge qoljetimdilik boıynsha tehnıkalyq mamandyqtarǵa qosymsha granttardy bólýdiń ózi keleshekte ózindik nátıjesin beretinine senimdimin», - dedi ol.