Prezıdenttiń bastamalary halyqtyń zor qoldaýyna ıe bolyp otyr - Nurlan Noǵaev
Óńir basshysy Nurlan Noǵaev qatysýshylardyń aldynda sóılegen sózinde Memleket basshysynyń bastamalary Atyraý halqynyń zor qoldaýyna ıe bolǵanyn atap ótti. Oblys ákimi Prezıdenttiń bastamalarynyń árqaısysyna jeke-jeke toqtalyp, óńir damýynyń áleýmettik-ekonomıkalyq jaǵdaıy týraly tolyq málimet berip, jaýapty organdardyń aldynda turǵan naqty tapsyrmalar týraly sóz qozǵady.
Qazaqstanda «7 - 20 - 25» baǵdarlamasyn iske asyrý kózdelip otyr. Jumys istep júrgen árbir azamat jeńildetilgen shart boıynsha ıpotekalyq qaryz alý múmkindigine ıe bolady. ıAǵnı, nesıe boıynsha syıaqy mólsherlemesi - 7 paıyz bolsa, alǵashqy jarna 20 paıyzdan aspaýy kerek. Al nesıeni tóleý merzimi 25 jylǵa sozylady.
«Atalǵan bastamalardyń oryndalýy - jergilikti atqarýshy organdardyń mindeti. 2017 jyly Atyraý oblysynda 624,145 myń sharshy metrlik 5252 páter paıdalanýǵa berildi. 2016 jylmen salystyrǵanda berilgen páterlerdiń sany 12 paıyzǵa artty. Memleket tarapynan jáne jeke qarjylandyrýdyń esebinen 36 kóppáterli úıdi qoldanysqa engizý múmkindigi týdy. Demek, biz osy baǵytta jumysty jalǵastyra berýimiz kerek. Memleket basshysymen usynylǵan bastamalardyń negizindegi ıpotekalyq nesıeleý baǵdarlamasy úıge qol jetkizý jolynda kóptegen azamattar úshin jańa múmkindikterge jol ashady», - dedi Nurlan Noǵaev.
Búgingi tańda óńir aýmaǵynda 3892 páter bolatyn 44 kóppáterli turǵyn úıdiń qurylysy júrgizilip jatyr. Olardyń ishindegi 2164 páterli 34 úıdi jyldyń sońyna deıin paıdalanýǵa berý kózdelgen. Ipotekalyq nesıeleýdiń jańa sharttary jeńildetilgen jolmen azamattarǵa úı alýǵa múmkindik beredi.
«Bankterdiń depozıtterinde óńir turǵyndary jınaǵan 21 mıllıard teńge qarajaty bar. Eger 2017 jyly ekinshi deńgeıli banktermen jalpy mólsheri 8 mıllıard teńgelik 860 ıpotekalyq nesıe berilse, bıyl bul kórsetkishti eki esege deıin arttyrý kózdelýde. Alǵashqy jarna mólsheriniń tómendetilýi áleýetti qonystanýshylardyń sanyn arttyrýy múmkin», - deıdi oblys ákimi.
Sonymen birge, Nurlan Noǵaev el Prezıdentiniń salyq júktemesin azaıtýǵa qatysty bastamasyn erekshe atap ótti. Nursultan Nazarbaev óz sózinde 2019 jyldyń 1 qańtarynan bastap aılyǵy tómen, jumys isteıtin qazaqstandyqtar úshin salyq júktemesin 1 paıyzǵa deıin tómendetýdi usynǵan bolatyn.
Buǵan qosa aımaq basshysy stýdent jastardyń ómir súrýi men bilim sapasynyń máselelerine toqtaldy.
«Atyraýdaǵy úsh Joǵarǵy oqý ornynda 12436 stýdent bilim alyp jatyr. Olardyń ishindegi 1605-i memlekettik grant esebinde oqýda. 1612 stýdent jataqhanamen qamtylǵan. 312 stýdent áli de turǵylyqty orynǵa muqtaj. Sonymen birge, 2017 jyly 222 bilim alýshy jergilikti bıýdjettiń esebinen grantqa ıe boldy. Kadrlyq suranysty eskere kele bıyl jergilikti bıýdjettiń esebinen oqý granttaryna qatysty qosymsha qarajat bólý josparlanyp otyr», - dedi ol.
Ýnıversıtettermen birge, Atyraý oblysyndaǵy 25 kolledjde 17178 stýdent bilim alýda. Olardyń ishindegi 8560-y memleket granty boıynsha oqýǵa túsken. On kolledjdiń 782 oryndyq jataqhanasy bar. Bólmege ıe bolý úshin jataqhanalarǵa 771 stýdent ótinim bergen. Jataqhanalardaǵy oryn jetispeýshiligin sheshý úshin qazirgi tańda osy nysandardy turǵyzý jumystary júrgizilip jatyr.
«D.Nurpeıisova atyndaǵy mýzykalyq akademııada 100 oryndyq jataqhana turǵyzylýda. Aqqystaý kentinde tehnıkalyq kolledjdiń 320 oryndyq ǵımaraty boı kóterip keledi. Dál sol jerde de 100 oryndyq jataqhana salynady. Qazirge deıin 5 jataqhananyń irgesin qalaý boıynsha jobalyq-smetalyq qujat daıyndalǵan. Jer qoınaýyn paıdalanýshylardyń esebinen taǵy eki jataqhana salý kózdelgen», - deıdi Nurlan Noǵaev.
Shaǵyn jáne orta bıznesti damytý isi de jergilikti bıliktiń turaqty baqylaýynda. Kásipkerlerge nesıe berý boıynsha memlekettik baǵdarlamalar birqatar áleýmettik jáne ınfraqurylymdyq máselelerdi sheshetin bolady.
«2017 jyly «Bıznestiń jol kartasy - 2020» baǵdarlamasy boıynsha quny 1,5 mıllıard teńgelik 312 joba boıynsha paıyzdyq mólsherlememen sýbsıdııa berildi. Osynyń arqasynda 1210 jumys oryny quryldy. 191 joba aýyldy eldi mekenderde iske asyryldy. 2018 jyly atalǵan baǵdarlama boıynsha jergilikti bıýdjetten 1 mıllıard 980 mıllıon teńge bólindi. Qosymsha respýblıkalyq bıýdjetten bul baǵytta taǵy da 589 mıllıon teńge bólý qarastyrylýda. Sonymen birge, «Bastaý Bıznes» baǵdarlamasy boıynsha 750 adam oqytyldy. Aýyl sharýashylyǵy nysandarynyń shyǵyndaryn sýbsıdııalaý turǵysynda 1 mıllıard 127 mıllıon teńge bólinip, ıgerildi. Respýblıkalyq bıýdjetten bul baǵytta taǵy 1 mıllıard 127 mıllıon teńge qarajat bólý josparlanýda», - dedi óńir basshysy.
2017 jyly ónimdi jumyspen qamtý men jappaı kásipkerlikpen aınalysýdy damytý maqsatyndaǵy memlekettik baǵdarlamalar aıasynda quny 253 mıllıon teńgelik kásipkerlerdiń 24 jobasy qarjylandyryldy. Oblys ákimi Nurlan Noǵaev jappaı kásipkerlikke bet burý baǵytyndaǵy jumysty jalǵastyrýdy tapsyrdy.
Qazaqstan Prezıdenti bastamalarynyń besinshisi - elimizdi gazdandyrýdy jalǵastyrý bolyp tabylady. Atyraý oblysynda atalǵan salada orasan zor jumystyń atqarylǵanyn aıta ketý kerek. Búgingi tańda Atyraý oblysynyń 130 turǵylyqty eldi mekeni jáne eki qalasy tolyǵymen tabıǵı gazben qamtylǵan. Basqasha aıtqanda, óńir turǵyndarynyń 96,8 paıyzy gazben úıin jylytyp, tamaǵyn daıyndap otyr. Dese de, 2018 jyly taǵy 135 eldi mekendi gazben qamtý kózdelgen. Osylaısha, 2019 jyldyń alǵashqy jartyjyldyǵyna deıin oblys aýmaǵyndaǵy 145 eldi mekendi gazben qamtyp, joǵaryda atalǵan kórsetkishti 99,2 paıyzǵa deıin jetkizý josparlanǵan.
Oblys aktıvi aldynda sózin aıaqtaı kele Nurlan Noǵaev óńir halqyn Memleket basshysynyń bes bastamasyn júzege asyrýǵa atsalysýǵa shaqyrdy.
«Tek yntymaqtyń arqasynda aldymyzǵa qoıǵan mejelerdi baǵyndyra alamyz. Bul úshin óńirde barlyq jaǵdaı jasalyp otyr», - dep túıdi Nurlan Noǵaev.
