Prezıdenttiń baspasóz hatshysy: Elbasynyń Makdonaldsqa barýy fastfýdpen tamaqtanýǵa shaqyrý emes, Qazaqstanǵa ınvestorlardy tartý
ASTANA. QazAqparat - QR Prezıdentiniń baspasóz hatshysy Dáýren Abaev Aqordanyń Feısbýktegi paraqshasynda Elbasynyń Astanadaǵy «Makdonalds» meıramhanasyna barýy jónindegi saýal qoıylǵan edi.
«Keshe Prezıdent Qazaqstandaǵy alǵashqy «Makdonalds» meıramhanasyna bardy. Keıbir adamdardy Memleket basshysynyń onda barýy qazaqstandyqtardy fastfýdpen tamaqtanýǵa shaqyrý bolyp tabylmaı ma degen saýal mazalaıdy. Bul máseleni qalaı túsindire alasyz?», degen saýalǵa: «bulaı oılaý negizsiz. Tamaqtaný - eń aldymen adamnyń óz talǵamyna baılanysty. «Makdonaldstyń» ashylýy qazaqstandyqtar kútken oqıǵa ekenin joqqa shyǵarýǵa bolmaıdy»,-dep jaýap berdi.
Sonymen birge, Memleket basshysynyń baspasóz hatshysy Elbasynyń «Makdonalds»» meıramhanasyna barýynyń sebepterine toqtalyp ótti. «Birinshiden, bolashaqta jeliler júıesi shamamen 20 myń azamatty jumyspen qamtamasyz etedi. Ekinshiden, «Makdonalds» ónimderiniń 70-80 paıyzy jergilikti ónimderden jasalady. Jáne úshinshiden, ınvestorlar jańa naryqqa shyqpas buryn jıi túrde onda álemdik brendterdiń bar bolýyn zertteıdi, jáne «Makdonalds» bul tizimde sońǵy orynda emes. Sonyń arqasynda olar naryqtyń áleýeti, azamattardyń satyp alý qabileti jáne tipti eldegi jalpy ekonomıkalyq jaǵdaı týraly bastapqy kózqarasty qalyptastyrady.
Sondyqtan keshegi oqıǵa - bul Prezıdenttiń sheteldik ınvestorlardy Qazaqstanǵa óz qarjysyn salýǵa shaqyrý».
