Prezıdenttiń barlyq tapsyrmalary ýaqytyly oryndalýy tıis – Álıhan Smaıylov
NUR-SULTAN. QazAqparat - Prezıdenttiń barlyq tapsyrmalary ýaqytyly ári dál oryndalýy tıis. Bul týraly Úkimet otyrysynda QR Premer-Mınıstrdiń birinshi orynbasary Álıhan Smaıylov aıtty, dep habarlaıdy QazAqparat tilshisi.
«Osy jyldyń 26 qańtarynda ótken Úkimettiń keńeıtilgen otyrysynda QR Prezıdenti birqatar naqty mindet qoıdy. Ekonomıkalyq belsendilikti tez arada qalpyna keltirý, ınvestıtsııalardy serpindi tartý, shaǵyn jáne orta bıznesti qoldaý, jańa jumys oryndaryn ashý - bizdiń jumysymyzdyń basty basymdyǵy bolýy tıis. Qazaqstandyqtardyń naqty tabystary men ómir súrý sapasyn arttyrý boıynsha strategııalyq maqsattarǵa qol jetkizýge baǵyttalǵan reformalardyń jalǵasy bolyp tabylatyn kóptegen máseleler qozǵaldy», - dedi ol.
Úkimet basshysynyń birinshi orynbasary Memleket basshysynyń tapsyrmalaryn iske asyrý boıynsha arnaýly sharalar kesheni ázirlengendigin aıtty.
«Jaýaptylar men oryndaý merzimderi anyqtaldy. Memleket basshysynyń tapsyrmalaryn qosymsha qarjylyq qamtamasyz etý bıýdjetti naqtylaý kezinde jáne úshjyldyq bıýdjet jobasyn daıyndaý barysynda eskeriledi. Bul rette Qarjy mınıstrligi bıýdjettik baǵdarlamalar ákimshilerimen birlesip, qajetti qujattardyń ýaqytyly qabyldanýyn jáne barlyq rásimderdi júrgizýdi qamtamasyz etýi kerek. Bizdi aldymyzda mańyzdy maqsattar men naqty mindetter tur. Olardy iske asyrý memlekettik organdar men ákimdikterdiń úılesimdi jáne tıimdi jumysyna baılanysty. Prezıdenttiń barlyq tapsyrmalary ýaqytyly áli dál oryndalýy tıis», - dedi Álıhan Smaıylov.
