Prezıdenttiń aınalasyna judyryqtaı jumylyp, birge bolýymyz kerek - senator

NUR-SULTAN. QazAqparat – Qasym-Jomart Kemeluly Toqaevtyń aınalasyna jınalyp, judyryqtaı jumylyp, birge bolaıyq, aǵaıyn! Búgin Memleket basshysynyń Qazaqstan halqyna joldaǵan úndeýine qatysty pikir bildirgen senator Dana Nurjigit osylaı dedi, dep habarlaıdy QazAqparat.

«Aqparat salasynda júrgen áriptesterime raqmet aıtam. Saǵat saıyn aqparat taratyp jatyr. Almatydaǵy birneshe telearna ofısteriniń, stýdııalarynyń órtengenin de kórip-bilip jatyrsyzdar. Búgingideı kúrdeli jaǵdaıǵa qaramastan, jýrnalıster bizdi bolyp jatqan oqıǵalardan habardar etip jatyr. Bul jerde kommertsııalyq ne memlekettik arnalar degen bóliný joq. Aqparat salasynyń ókilderi bir bolyp jumyldy»,-deıdi senator.

Sondaı-aq ol bıyl ult ustazy Ahmet Baıtursynovtyń 150 jyldyǵy ekenin eske saldy.

Mine, sol Ahań amanat etip tastap ketken Qazaq radıosynyń úni syn saǵatta óshken joq. Qazaqtyń úni bar jerde, qazaqtyń tili bar jerde, qazaqtyń rýhy ólmeıdi! Sondyqtan bárimiz Bas Qolbasshy, Prezıdentimiz, Qaýipsizdik Keńesiniń Tóraǵasy Qasym-Jomart Kemeluly Toqaevtyń aınalasyna jınalyp, judyryqtaı jumylyp, birge bolaıyq, aǵaıyn! Bul syn saǵattan abyroımen ótýge násip etsin!»,-dedi.