Prezıdenttiń Atyraýdaǵy rezıdentsııasy balalardy saýyqtyrý ortalyǵyna aınalady
Oblys ákimi baspasóz qyzmetiniń málimetinshe, Atyraýdaǵy Perzıdent rezıdentsııasynyń resmı qonaqtardy qabyldaýǵa arnalǵan úı ataýy bar.
«Prezıdent rezıdentsııasynyń ornynda balalarǵa arnalǵan demalys jáne saýyqtyrý ortalyǵyn ashý josparlanyp otyr. Bul Memleket basshysynyń bes óńirdegi qonaqtarǵa arnalǵan nysandardy balalar qajettiligine berý tapsyrmasyna sáıkes qolǵa alyndy. Osy tapsyrma sheńberinde Atyraý oblysynyń memlekettik organdary balalardyń qajettilikteri úshin atalǵan nysandy barynsha tıimdi paıdalaný múmkindigin zerdeleı bastady. Bolashaqta bul demalys jáne saýyqtyrý ortalyǵyna aınalady. Nysannyń naqty qaı maqsatta paıdalanylatyny anyqtalǵannan keıin ony qaıta jabdyqtaý boıynsha uıymdastyrý jumystary bastalady», - dep habarlady Atyraý oblysy ákimdiginiń baspasóz qyzmeti.
Prezıdenttiń burynǵy rezıdentsııasy Mahambet aýdanyndaǵy Aqqaıyń aýylynyń aýmaǵynda ornalasqan. Jaıyq ózeniniń jaǵasyndaǵy rezıdentsııaǵa jaqyn mańnan «Atyraý-Oral» tas joly ótedi. Burynǵy rezıdentsııa janynda shaǵyn jaǵajaı, úlken alma baǵy bar. Ózenge deıin asfalttalǵan jol tóselgen.
Eske sala ketelik, budan buryn Aqtóbedegi Prezıdent rezıdentsııasy balalarǵa arnalǵan nysanǵa aınalatyny habarlanǵan edi.
Odan bólek, Qostanaıdaǵy Prezıdent rezıdentsııasyna qatysty ákimdik jýyrda nysannyń jańa profılin tańdaıtyny jazylǵan bolatyn.
Sondaı-aq, Aqtaýda Prezıdent rezıdentsııasyn balalar qajettiligine berý boıynsha jumys bastaldy.
