Prezıdenttiń atyna jazylǵan aryz-shaǵymdardyń sany úsh jylda 2 ese ósti - Toqaev

ASTANA. QazAqparat – Jyl basynan beri Prezıdent Ákimshiliginiń qoǵamdyq qabyldaýynda 811 adam boldy. Bul týraly eldiń áleýmettik-ekonomıkalyq máseleleri jónindegi keńeıtilgen keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Jańa jyldan beri Prezıdent Ákimshiliginiń qoǵamdyq qabyldaýynda 811 adam boldy. Sonyń 730-yn kesteden tys, ıaǵnı taban astynda jedel túrde qabyldaýǵa týra keldi», - dedi Qasym-Jomart Toqaev.

Osy oraıda Prezıdent olardyń arasynda barlyq aımaqtyń turǵyndary bar ekenin aıtty.

«Prezıdenttiń atyna jazylǵan aryz-shaǵymdardyń sany úsh jylda 2 ese ósti», - dedi Memleket basshysy.

Budan buryn habarlanǵandaı, Prezıdent barlyq deńgeıdegi ákimderdiń jumysyn jyl saıyn baǵalaý júıesin engizý kerek ekenin tapsyrdy.