Prezıdenttiń atyna túsken saýaldardyń sany 13 myńnan asty

dep habarlaıdy QazAqparat.

Munda halyqty áleýmettik qorǵaý máselesi boıynsha saýaldar kóptep túsýde. Onyń ishinde zeınetaqy júıesin qaıta qaraý, kópbalaly otbasylar men múgedek jandarǵa materıaldyq kómek kórsetý máseleleri bar. Elimizdiń turǵyn-úı salasynda úleskerler problemasy, memlekettik baǵdarlama aıasynda berilmeı qalǵan baspanalardy taratý jaıy jáne árbir qazaqstandyqqa tıesili on sotyq jer berý máselesi jıi aıtylýda. Sondaı-aq Qazaqstan azamattaryn elimizdegi Internet qyzmetteri men janar-jaǵarmaıdyń qymbatshylyǵy mazalaýda.  

Esterińizge sala keteıik,  2009 jylǵy  qarashanyń 13-i kúni Qazaqstan Respýblıkasynyń Prezıdenti N.Nazarbaev «Qazaqstan», «Habar», «Astana qalalyq teledıdary» telearnalary jáne «Qazaq radıosy», «Astana radıosy» boıynsha ótetin tikeleı efırde azamattardyń teleefır, telefon, ınternet jáne SMS habarlamalary arqyly túsken suraqtaryna jaýap beredi. Suraqtardy respýblıka boıynsha +7 (7172) 555-777 telefony men  KCell, Beeline, Neo, Altel uıaly baılanysyn paıdalanýshylar úshin SMS habarlamalary arqyly 1111 nómirine jiberýge bolady. Sondaı-aq  
www.line.gov.kz saıtynyń tıisti tarmaǵyn paıdalana otyryp, beınesuraqty joldaýǵa bolady. Al jazbasha saýaldy vopros@akorda.kz elektrondyq mekenjaıyna jiberýge múmkindik bar.

Aıta keteıik, «Qazaqtelekom» usynǵan baılanys tegin bolsa, uıaly telefondarǵa arnaıy tólemder qarastyrylǵan. «Tikeleı jeli» kezinde Elbasynyń nazaryna ilikpeı qalǵan saýaldarǵa tıisti memlekettik organdar bir aıdyń kóleminde jaýap ázirlep, saıtqa ornalastyratyn bolady. Al Interneti joq aýyldy jerler úshin ákimdikter janynan qoǵamdyq qabyldaý bólimderi ashylǵan.

Baılanys ortalyǵynyń habarlaýynsha, halyq tarapynan túsip jatqan saýaldardyń ishinde qaıtalanatyn máseleler jáne test úlgisindegi suraqtar kóp bolǵandyqtan, keıbir saýaldar keri qaıtarylyp jatyr.