Prezıdenttiń arqasynda erteńgi kúnge degen senimdilik bar - astanalyq zeınetker
ASTANA. QazAqparat - Prezıdent qazaqstandyqtarǵa senim uıalatady, dep esepteıdi elordanyń 71 jastaǵy zeınetkeri Lıdııa Sergeeva. «Biz basymyzdan kóp jaǵdaıdy ótkerdik. Búgin balalarym men nemerelerim úshin ǵana ómir súrip jatyrmyn. Kúnde nemerelerimdi mektepke aparyp-alyp kelemin. Sabaqtaryna kómektesip, sporttyq sektsııalarǵa baramyz. Jastardyń bilim alyp, jan-jaqty damýy úshin elimizde barlyq jaǵdaı jasalǵan. Zeınetkerler týraly da umytpaıdy. Bul, árıne qýantady», - dedi L.Sergeeva.
Ol árdaıym Elbasynyń halyq aldynda sóıleýin asyǵa kútetinin aıtty. «Keshki jańalyqtardy kórmegen kúnim bolmady. Prezıdenttiń sóz sóıleýin kútemin. Daǵdarysqa qaramaı memlekettiń barlyq áleýmettik mindetterin oryndalatynyn aıtqany janyma jaqty. Memleket basshysynyń arqasynda bizde erteńgi kúnge degen senim paıda boldy. Barlyq qazaqstandyqtar árdaıym beıbitshilik pen kelisimde ómir súrip, jumys istep, armandap, baqytty bolsa eken», - dep túıdi Astana turǵyny.
