Prezıdenttiń 5 áleýmettik bastamasyn júzege asyrýdyń jol kartasy ázirlenedi
«Elbasynyń áleýmettik bastamalary barsha qazaqstandyqtar úshin asa mańyzdy. Sondyqtan biz ony iske asyrýǵa úlken jaýapkershilikpen qaraýymyz kerek. Múddeli memlekettik organdarǵa Parlament qaraýyna engizý úshin qajetti zańnamalyq ózgeristerdi naýryz aıynyń sońyna deıin ázirleýdi tapsyramyn. Bul jumys Parlamenttiń jazǵy sessııasy aıasynda aıaqtalýy tıis. Parlament bizden bul zań jobalaryn kútip otyr», - dedi Premer-Mınıstr.
Osy rette Baqytjan Saǵyntaev Memleket basshysynyń 5 áleýmettik bastamasyn júzege asyrýǵa jaýapty barlyq memlekettik organdarǵa naqty tapsyrmalar júktedi.
«Sol sebepti Ulttyq ekonomıka mınıstrligi memlekettik organdarmen jáne Ulttyq bankpen birlesip, bir apta ishinde bes bastamany iske asyrý mehanızmderi men merzimderin jáne jaýapty oryndaýshylaryn kórsete otyryp, naqty jol kartasyn ázirlesin. Kelesi Úkimettiń otyrysynda, ıaǵnı, 13 naýryzda óz baǵyttary boıynsha jaýapty azamattardy tyńdaıtyn bolamyz», - degen Úkimet basshysy alǵa qoıylǵan mindetterdi oryndaýǵa birden kóshý qajettigin basa aıtty.
