Prezıdenttikten úmitker taǵy eki azamat qol jınaýǵa kiristi

Keshe Ortalyq saılaý komıssııasy «Nur Islam» týrıstik fırmasynyń dırektory Qanat Týrageldıev pen Qazaqstannyń Kommýnıstik halyqtyq partııasynyń hatshysy Jambyl Ahmetbekovke qol qoıý paraqtaryn berdi.

Esterińizge sala keteıik, atalmysh azamattardyń Prezıdentikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııanyń synynan ótkendigin buqaralyq buǵan deıin habarlaǵan bolatynbyz. Al keshe OSK atalǵan eki azamattyń da Konstıtýtsııa men «QR saılaý týraly» zańyna sáıkestigin belgileý jóninde qaýly qabyldady jáne úmitkerlerge ózderin qoldaýshylardyń qoldaryn jınaý úshin qol qoıý paraqtaryn berdi. OSK qabyldaǵan qaýlyǵa sáıkes, úmitkerlerdi qoldaǵan jáne rastalǵan qoldardyń sany 91 myń 10 adamdy quraýy kerek.

Qol jınaýdy kandıdattardyń senim bildirgen adamdary júrgizedi. Toltyrylǵan qol qoıý paraqtary aýmaqtyq saılaý komıssııalaryna tapsyrylady, olar bes kún ishinde qoldardyń rastyǵyn pasport qyzmeti qyzmetkerleriniń qatysýymen tekserip, tıisti hattama jasaıdy jáne ony Ortalyq saılaý komıssııasyna jiberedi.

Esterińizge sala keteıik, 3 sáýirge belgilengen kezekten tys Prezıdenttik saılaýǵa qatysý úshin Ortalyq saılaý komıssııasyna barlyǵy 16 adam ótinish berdi. Alaıda olardyń ekeýin Ortalyq saılaý komıssııasy Prezıdenttikke kandıdattardyń memlekettik tildi erkin meńgergendigin anyqtaý jónindegi komıssııasyna emtıhan tapsyra almaýlaryna baılanysty kandıdat etip tirkeýden bas tartty. Al búgin taǵy bir azamat, naqty aıtqanda Bastıon- Ast» kúzet agenttigi» JShS-de kúzetshi bolyp isteıtin 48 jastaǵy Tolybaı Baımýrzın memlekettik tilden emtıhan tapsyra almady. Taǵy eki azamat saılaýǵa túsý jónindegi ótinishterin qaıtaryp aldy.

Osylaısha kezekten tys Prezıdenttik saılaýǵa túsýge úmitker adamdardyń sany - 11 adamdy qurap otyr. Saılaýǵa tek eki azamat qana saıası partııalardyń atynan túsýge nıettenip otyr. Olar kandıdatýrasyn «Nur Otan» halyqtyq demokratııalyq partııasy usynǵan qazirgi Memleket basshysy Nursultan Nazarbaev pen Qazaqstannyń Kommýnıstik halyqtyq partııasy usynǵan partııa hatshysy Jambyl Ahmetbekov.

Ózge azamattar saılaýǵa ózderin ózderi usynyp otyr. Sondaı-aq Saıası partııalar atynan kandıdat retinde usynylǵan azamattarmen birge zańger Sálim Óten, ekolog, ǵalym Musaǵalı Dýambekov pen «Nur Islam» týrıstik fırmasynyń dırektory Qanat Týrageldıev Prezıdentikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııasyna emtıhandy sátti tapsyrdy.

Qalǵan azamattar emtıhandy aldaǵy ýaqytta tapsyrady.