Prezıdenttikten úmitker Qanat Týrageldıev memlekettik tilden emtıhandy tapsyrdy
ASTANA. 16 aqpan. QazAqparat /Aıdar Ospanalıev/ - Prezıdenttikten úmitker Qanat Týrageldıev Prezıdenttikke kandıdattardyń memlekettik tildi erkin meńgergendigin anyqtaıtyn lıngvıstıkalyq komıssııaǵa emtıhandy sátti tapsyrdy.
Atalmysh azamattyń emtıhan nátıjelerimen tanystyrǵan lıngvıstıkalyq komıssııa tóraǵasy Myrzataı Joldasbekovtyń aıtýynsha, Q.Týrageldıev úsh kezeńnen turatyn emtıhannyń birinshi kezeńinde «Qazaq tili eldik pen erliktiń negizi» degen taqyrypta shyǵarma jazdy. "Ol qazaq tilinde óziniń oıyn jetkize alady. Oıy tııanaqty, sóz quraýy durys, azdaǵan qateleri bar. Aıtalyq orfografııalyq qatesi - 1, tynys belgilerinen ketken qateler - 5, stıldik 1 qate jiberdi. Bas-aıaǵy qateler sany - 7",-dedi lıngvıstıkalyq komıssııa tóraǵasy.
Onyń sózine qaraǵanda, úmitker Q.Týrageldıev emtıhannyń ekinshi kezeńinde Maǵjan Jumabaevtyń óleńderin naqshyna keltirip, mánerlep, óte jaqsy oqydy. «Al úshinshi kezeńde «Otanym - altyn besigim» taqyrybynda erkin áńgime boldy. Úmitkerdiń áńgimesi bizge unady. Onyń jalpy Otan týraly, el týraly, halyq týraly, din týraly uǵymdarynyń bári anyq. Sondyqtan komıssııa ókilderi osynyń barlyǵyn júıeleı kele úmitker Q.Týrageldıev memlekettik tildi erkin meńgergen degen toqtamǵa keldi»,-dedi M.Joldasbekov.
