Prezıdenttikten úmitker Qanat Esjanov memlekettik tilden emtıhan tapsyrýda
ASTANA. 15 aqpan. QazAqparat /Aıdar Ospanalıev/ - Prezıdenttikten úmitker Astana qalasynyń turǵyny, ýaqytsha jumyssyz Qanat Esjanov Prezıdentikke kandıdattardyń memlekettik tildi erkin meńgergendigin anyqtaıtyn lıngvıstıkalyq komıssııasyna emtıhan tapsyrýda.
«16 mıllıon halyqtyń arasynan sýyrylyp shyǵyp, Prezıdent bolam deýdiń jáne Prezıdent saılaýyna qatysý týraly sheshim qabyldaýdyń ońaı emes ekeni belgili. Meni bolashaq urpaqtarymyzdyń taǵdyry qatty alańdatady. Sondyqtan da eldegi bolyp jatqan saıası úderisterdi syrttan baqylap otyrǵannan góri, onyń tikeleı qatysýshy bolǵan durys degen baılam jasap, osynda kelip otyrmyn», - dedi úmitker.
Onyń sózine qaraǵanda, búginde turaqty jumysy joq azamat sońǵy ret Ádilet mınıstrliginiń jabyq aktsıonerlik qoǵamynda maman, sodan soń dırektordyń orynbasary qyzmetterin atqarǵan. Emtıhan barysynda úmitker shyǵarma jazý úshin «Táýelsizdik belesteri» taqyrybyn tańdady.
