Prezıdenttikten úmitker Qanat Esjanov búgin memlekettik tilden emtıhan tapsyrady
ASTANA. 15 aqpan. QazAqparat /Aıdar Ospanalıev/ - Búgin Ortalyq saılaý komıssııasyna kezekten tys Prezıdent saılaýyna qatysýǵa 6-shy bolyp ótinish túsirgen Qanat Esjanov Prezıdentikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııasyna emtıhan tapsyrady.
Astana qalasynyń 48 jastaǵy turǵyny Qanat Esjanov ýaqytsha jumyssyz. Ol kezekten tys saılaýǵa ózin-ózi usyný jolymen kelip otyr.
Esterińizge sala keteıik, lıngvıstıkalyq komıssııa Prezıdenttikke úmitkerlerden emtıhandy 3 túrli deńgeı boıynsha alady. Birinshiden, úmitker 2 betten kem emes shyǵarma jazýy kerek. Ekinshiden, qazaq klassıkteriniń shyǵarmalarynan úzindi oqıdy. Úshinshi kezeń boıynsha belgili bir taqyrypta kópshilik aldynda sóıleý sheberligin kórsetedi.
