Prezıdenttikten úmitker Gúldana Toqbaeva memlekettik tildi erkin meńgergendigin kórsetti
ASTANA. 19 aqpan. QazAqparat /Aıdar Ospanalıev/ - Prezıdenttikten úmitker Gúldana Toqbaeva Prezıdenttikke úmitkerlerdiń memlekettik tildi erkin meńgergendigin anyqtaý jónindegi lıngvıstıkalyq komıssııaǵa emtıhan tapsyrdy.
Bul týraly búgin lıngvıstıkalyq komıssııanyń jumysyn qorytyndylaǵan atalmysh komıssııa tóraǵasy Myrzataı Joldasbekov málim etti.
Onyń sózine qaraǵanda, G.Toqbaeva úsh kezeńnen turatyn emtıhannyń birinshi kezeńindegi jazba jumysty «Er esimi, el esinde» atty taqyrypta jazǵan. «Úmitkerdiń jazba jumysyy ortasha dep baǵaladyq. Árip qateleri - 3, tynys belgileri - 5, stıldik 2 qate jiberdi. Barlyǵy 10 qate. Ekinshi kezeńde Muhtar Áýezovtń «Abaı joly» romanynan úzindi oqydy. Oqýy ortasha, kitapty kúnde oqymaıtyny kórinip tur. Keıbir sózderdi aıaǵyna deıin jetkize almaı otyrdy. Úshinshi kezeń boıynsha «Men jastarǵa senemin», degen taqyrypta sóıledi. Ony kóbine aýyzeki sóıleý tilimen baıandap berdi. Degenmen úmitkerdiń qazaq tildi ekendigi baıqalady. Ol memlekettik tilde erkin sóıleı de, jaza da alady. Sondyqtan osynyń barlyǵyn eskere biz G.Toqbaeva qazaq tilin erkin meńgergen degen qorytyndyǵa keldik», - dedi M.Joldasbekov.
Esterińizge sala keteıik, Jambyl oblysynyń 57 jastaǵy turǵyny Gúldana Toqbaeva ýaqytsha jumyssyz.
