Prezıdenttikke úmitkerlerdiń saılaý aldy kompanııasy ár túrli áleýmettik toptarǵa baǵyttalǵan - M. Shıbutov
ALMATY. QazAqparat - Saılaý aldy naýqany saılaýshylardyń ár túrli áleýmettik jáne ıdeologııalyq toptarǵa birikkendiginiń arqasynda bir qalypty tynysh ótti. Eshqandaı tártipsizdik oryn alǵan joq. Bul týraly QaAqparat tilshisine Shekara aýmaǵyndaǵy yntymaqtastyq Qaýymdastyǵynyń ókili Marat Shıbutov málimdedi.
«Bul saılaýaldy naýqany daý-janjalsyz óte tynysh ótti. Kandıdattar bir-birin jamandap, qaralaǵan joq. Efır ýaqytyn bólý týraly da eshqandaı daý bolǵan joq. Saılaýshylar tarapynan da eshqandaı aryz-shaǵym aıtylmady. Shtabtardyń saılaýshylarmen kezdesýi barysynda qandaı da bir arandatýshylyq oqıǵalar tirkelmedi», - dedi M. Shıbutov.
Ol saılaýaldy naýqanynyń bulaısha tynysh ótýine birneshe sebeptiń baryn jetkizdi.
«Óıtkeni, birinshiden, saılaýshylardyń saıası saýattylyǵy artyp keledi. Ekinshiden, jańa tehnologııalardyń arqasynda daý-jandaldy jasyryp qalý múmkin emes. Birden belgili bolady. Úshinshiden kandıdattar ár túrli áleýmettik jáne ıdeologııalyq toptarǵa arqa súıep otyr. Sondyqtan, olar bir alańda kezdesip jatqan joq», - dedi sarapshy.
