Prezıdenttikke úmitkerlerdiń arasynda OSK ókilderiniń narazylyqtaryn týdyrǵandary da boldy - Q.Turǵanqulov
ASTANA. 24 aqpan. QazAqparat /Aıdar Ospanalıev/ - «3 sáýirge belgilengen kezekten tys Prezıdent saılaýynyń birinshi kezeńi aıaqtaldy.
Biz Qazaqstannyń demokratııalyq baǵytta damyp kele jatqandyǵyn taǵy bir márte dáleldedik»,-dedi búgin Ortalyq saılaý komıssııasynyń tóraǵasy Qýandyq Turǵanqulov komıssııanyń kezekti májilisinen soń jýrnalısterge.
Onyń sózine qaraǵanda, kezekten tys Prezıdent saılaýyna qatysýǵa 22 azamat ótinish berdi. Eshqaısysynyń quqyqtary shektelgen joq. 22 azamat ta ózderine berilgen quqyqtardy tolyq paıdalandy. «Árıne, biz olardyń arasynda keıbir úmitkerlerge narazylyqtarymyzdy da bildirip otyrmyz. Sebebi úmitkerlerdiń keıbiri ótinishterin berip aldy da, lıngvıstıkalyq komıssııanyń otyrysyna kelmeı nemese emtıhan tapsyrýdan bas tartty. Biz mundaı úmitkerler komıssııanyń jumysyn qıyndatyp jiberdi dep aıta almaımyz. Biraq olarǵa degen narazylyǵymyz bar ekenin jasyrmaımyz. Sebebi sol úmitkerlerge memleket tarapynan qanshama shyǵyn shyǵaryldy»,-dedi OSK tóraǵasy.
