Prezıdenttikke úmitkerler sany 27-ge jetti

ASTANA. QazAqparat - Búgin QR Ortalyq saılaý komıssııasyna kezekten tys prezıdent saılaýyna úmitker retinde zeınetker Birjan Jetirýuly Dilmaǵambet tirkeldi.

«Taǵy bir úmitker óz kandıdatýrasyn usyndy. 1961 jyly týǵan, qazaq, zeınetker. Astana qalasynda turady», - dedi BAQ ókilderine suhbat bergen Ortalyq saılaý komıssııasynyń hatshysy Baqyt Meldeshev.

Aıta keterligi, Birjan Jetirýuly Dilmaǵambet 2011 jyly da prezıdent saılaýyna óz kandıdatýrasyn usynǵan bolatyn. Degenmen, ol QR prezıdenttigine úmitkerlerdiń memlekettik tildi erkin meńgergendigin anyqtaý emtıhanyna qatysýdan bas tartqan edi.