Prezıdenttikke úmitkerler sany 14 adamǵa jetti
«2-9 naýryz aralyǵynda Ortalyq saılaý komıssııasyna azamattardan 14 ótinish kelip tústi. Olardyń bireýi partııa atynan, 13 adam ózin-ózi usyndy. Turǵyn Syzdyqov Qazaqstan halyqtyq kommýnıstik partııasy atynan usynylǵan bolatyn», - dedi ol.
L.Súleımenniń aıtýynsha, Ortalyq saılaý komıssııasy qazirgi ýaqytta osy azamattardyń Qazaqstan Respýblıkasynyń Konstıtýtsııasyna jáne «Saılaý» týraly zańyna sáıkestigin tekserip jatyr. Tıisti suranystar Bas prokýratýraǵa jáne Іshki ister mınıstrligine jiberildi.
«QR prezıdenttigine úmitkerlerdiń memlekettik tildi erkin meńgergendigin aıqyndaıtyn lıngvıstıkalyq komıssııa ózi jumysyn turaqty túrde atqaryp jatyr. 2 azamatqa Syrǵabaev Asqar Jorabaıuly men Aldajanov Saıfolla Qalabaıulyna memlekettik tildi erkin meńgermegen degen sheshim shyǵaryldy. 6 naýryz kúni Qoıshıeva Lımana memlekettik tildi erkin meńgergendigi týraly anyqtama alyp, azamattardyń arasynda ózin qoldaý qolyn jınaýǵa kirisip ketti», - dedi OSK múshesi.
Aıta keteıik, ózin-ózi usynǵandar: 1. Syrǵabaev Asqar Jorabaıuly; 2. Aldajanov Safıolla Qalabaıuly; 3. Qoıshıeva Lımana; 4. Ábdikárimov Baqyt Tólegenuly; 5. Myrzashov Sýhrab Amınjanuly; 6. Úkteshbaev Esenbek Japaruly; 7. Jýnisbekov ıAkobjan; 8. Juman Qaırat Toqtaruly; 9. Serǵazın Erjan Merekeuly; 10. Maıshev Qaırat Álembaıuly; 11. Qaısarov Ýálıhan Ábishuly; 12. Estemesov Bahtııar Óksikbaıuly; 13. Týrageldıev Qanat Sbashuly. Syzdyqov Turǵyn Ysqaquly «Qazaqstan Kommýnıstik Halyq partııasy» qoǵamdyq birlestiginen usynyldy. Qazirgi ýaqytta keıbir úmitkerlerge qatysty júrgizilgen tekserýdiń nátıjeleri boıynsha tómendegi anyqtaldy.Ábdikárimov Baqyt Tólegenuly, Myrzashov Sýhrab Amınjanuly qyryq jasqa tolmaǵan, osyǵan baılanysty olardy 2015 jylǵy 6 naýryzda QR OSK qaýlylarymen tirkeýden bas tartyldy. Sonymen qatar, lıngvıstıkalyq komıssııa qorytyndysynyń negizinde QR OSK Qazaqstan Respýblıkasynyń Prezıdenttigine úmitker retinde Syrǵabaev Asqar Jorabaıuly men Aldajanov Safıolla Qalabaıulyn tirkeýden bas tartty.
