Prezıdenttikke úmitkerler qazirdiń ózinde jarnamaǵa 6 mlrd. dollar jumsady - AQSh
ASTANA. 30 qazan. QazAqparat - AQSh prezıdenti laýazymyna úmitkerler Barak Obama men Mıtt Romnı osy ýaqytqa deıin saıası jarnamaǵa 6 mıllıard dollar jumsaǵan.
Bul kórsetkish álemniń 40 eliniń jalpy ishki óniminen artyq.
Mundaı qomaqty qarajat, tipti, 2008 jylǵy saıası doda kezinde de jumsalmaǵan. Sońǵy zertteýlerge qaraǵanda, saılaýaldy naýqany bastalǵaly kógildir ekrandarda 951 myń prezıdenttik habarlama taratylypty. Al, keı sarapshylardyń pikirinshe, bul joly kandıdattar jarnamaǵa shyǵarǵan qarajattyń kólemi 8 mıllıard dollarǵa jetýi múmkin. «Reıter» agenttigi habarlaǵandaı, bul tek radıo men televızııalyq jarnamaǵa jumsalǵan aqsha. Sondyqtan, shyn máninde, eger baspasóz betterine shyǵarylatyn jarnamany eskersek, bul kórsetkishter budan áldeqaıda artyq ta bolýy ǵajap emes, dep habarlaıdy «Qazaqstan» ulttyq telearnasy.
