Prezıdenttikke úmitker jol apatyna ushyrady
ASTANA. QazAqparat - Meksıka prezıdenttigine úmitker Marııa de Hesýs Patrısıo sársenbi kúni jol-kólik apatynan zardap shekti. Ol birneshe keńesshisimen birge mingen shaǵyn avtobýs Ońtústik Tómengi Kalıfornııa Ońtústik shtatyndaǵy tasjoldardyń birinde aýdarylyp ketken, dep habarlaıdy TASS El Universal gazetine silteme jasap.
Jol apatynda áıel keńesshi qaza taýyp, taǵy bir adam qatty jaraqat alǵan. Patrısıo avıatsııamen aýrýhanaǵa jetkizildi, onyń jaǵdaıy aýyr turaqty dep baǵalanýda. Jol-kólik oqıǵasynyń sebebi týraly aqparat jarııalanǵan joq.
Meksıkada prezıdent saılaýy 2018 jyldyń 1 shildesinde ótedi.
