Prezıdenttikke úmitker Jaqsybaı Bázilbaev memlekettik tilden emtıhandy tapsyrdy
ASTANA. 22 aqpan. QazAqparat /Aıdar Ospanalıev/ - Prezıdenttikke úmitker Jaqsybaı Bázilbaev memlekettik tildi meńgergen.
Búgin atalmysh azamattan emtıhan alǵan Prezıdenttikke kandıdattardyń memlekettik tildi erkin meńgergendigin anyqtaý jónindegi OSK lıngvıstıkalyq komıssııasy osyndaı sheshim shyǵardy.
Lıngvıstıkalyq komıssııa tóraǵasy Myrzataı Joldasbekovtyń aıtýynsha, J.Bázilbaev úsh túrli synaq boıynsha ótken emtıhannyń birinshi kezeńinde «Abaı qazaq halqynyń rýhanı kósemi» atty taqyrypta 2 bet shyǵarma jazdy. «Jazba jumysy ortasha jazylǵan. Orfografııalyq 3 qate, tynys belgisinen - 4, stıldik - 3 qate bar. Bárin qosqanda 10 qate. Ekinshi talap boıynsha úmitker Júsipbek Aımaýytovtyń shyǵarmalarynan úzindi oqydy. Keıbir orfoepııa normalary boıynsha aýytqýlar boldy. Biraq ortasha oqydy dep baǵalaýǵa bolady. Úshinshi kezeńde «Abyroıly is» atty taqyrypta sóıledi. Úmitker taqyrypty ashty, óz oıyn jetkize bildi. Osylardyń barlyǵyn eskere kelgende biz J.Bázilbaev qazaq tilin meńgergen degen qorytyndy shyǵardyq», - dedi M.Joldasbekov.
Esterińizge sala keteıik, Jaqsybaı Bázilbaev buǵan deıin eki prezıdenttik saılaýǵa qatysqan.
