Prezıdenttikke úmitker Tóleýtaı Rahymbekov OSK-ǵa qujattaryn tapsyrdy

NUR-SULTAN. QazAqparat - «Aýyl» halyqtyq-demokratııalyq patrıottyq partııasy atynan QR Prezıdenttigine kandıdat Tóleýtaı Rahymbekov Ortalyq saılaý komıssııasyna qujattaryn tapsyrdy, dep habarlaıdy QazAqparat tilshisi.

Tóleýtaı Sataıuly Rahymbekov «Qazaqstan Respýblıkasyndaǵy saılaý týraly» QR Konstıtýtsııalyq zańynyń 55-babyna sáıkes OSK-ǵa qujattaryn búgin, 26 sáýir kúni usynǵan.

Qujat tapsyrýǵa qatysqan «Aýyl» partııasynyń tóraǵasy, partııanyń saılaýaldy shtabynyń basshysy Álı Bektaev partııanyń kezekten tys XV sezinde T. Rahymbekovtiń kandıdatýrasy biraýyzdan qabyldanǵanyn atap ótti.

Aıta keteıik, QR Prezıdenttigine kandıdattar Ortalyq saılaý komıssııasyna 7 qujattan turatyn paket tapsyrady.

Úmitkerlerdi usyný - 28 sáýir kúni, QR Ortalyq saılaý komıssııasyna tirkeý protsedýralary 11 mamyrda aıaqtalady.