Prezıdenttikke úmitker retinde ózi-ózi usynǵan M. Dýambekov kandıdatýrasyn alyp tastady
ASTANA. 2 aqpan. QazAqparat /Aıdar Ospanalıev/ - 3 sáýirge belgilengen kezekten tys Prezıdent saılaýyna qatysý úshin ótinish bergen azamattardyń sany taǵy bir adamǵa qysqardy.
Búgin Ortalyq saılaý komıssııasyna kelip jýrnalıstermen suhbattasqan ekolog, ǵalym Musaǵalı Dýambekov kezekten tys Prezıdenttik saılaýdan óziniń kandıdatýrasyn alyp tastaǵandyǵyn málim etti.
Bul Prezıdenttikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııanyń synynan ótkennen keıin, kandıdatýrasyn alyp tastap otyrǵan tórtinshi úmitker. Buǵan deıin memlekettik tilden emtıhandy sátti tapsyrǵan Pavlodar oblysynyń turǵyny Sovetqazy Nursıla, sodan keıin kesheli-beri «Nur Islam» týrıstik fırmasynyń dırektory Qanat Týrageldıev pen Jemqorlyqpen kúres qoǵamdyq komıtetiniń tóraǵasy Jaqsybaı Bázilbaev saılaýaldy naýqanyna qatyspaıtyndyqtaryn aıtyp, kandıdatýralaryn alyp tastaǵan bolatyn.
Osylaısha dál osy ýaqytta Memleket basshysy laýazymyna talasty 8 azamat jalǵastyrýda.
Aıta keteıik, osy sátke deıin QR Ortalyq saılaý komıssııasy tórt úmitkerdi, atap aıtqanda: «Nur Otan» Halyqtyq-demokratııalyq partııasy usynǵan Elbasy Nursultan Nazarbaevty, Qazaqstannyń kommýnıstik halyqtyq partııasynyń hatshysy Jambyl Ahmetbekovty, Qazaqstan Patrıottary partııasynyń tóraǵasy Ǵanı Qasymovty jáne «Tabıǵat» ekologııalyq odaǵynyń tóraǵasy Mels Eleýsizovty. Qazaqstan Respýblıkasynyń Prezıdenttigine kandıdat retinde tirkedi.
Al zańger Sálim Óten, ýaqytsha jumyssyz Gúldana Toqbaeva, kásipker Serik Saparǵalı men «Jeltoqsan» respýblıkalyq, halyqtyq-patrıottyq qozǵalysy» respýblıkalyq qoǵamdyq birlestiginiń ókili Qurmanǵazy Rahmetov ózderin qoldaıtyn saılaýshylardyń qoldaryn jınaý ústinde.
Esterińizge salaıyq, Qazaqstan Respýblıkasy Prezıdenttigine kandıdattardy tirkeý úmitkerlerdiń joǵary memlekettik laýazymǵa barlyq qajetti qujattardy tapsyrǵannan keıin bastaldy jáne 2011 jylǵy 2 naýryzda túngi saǵat 24:00-de aıaqtalady.
