Prezıdenttikke úmitker Danııa Espaevany Almaty oblysynda 17 myńnan asa halyq qoldady
«Bizdiń «Aq jol» partııasy atynan prezıdent saılaýyna kandıdat retinde májilis depýtaty Danııa Espaeva usynyldy. Jetisý óńiriniń barlyq aýdan-qalalaryn aralap shyqtyq. Úmitkerimizdiń kandıdatýrasyn Almaty oblysynda 17 100 adam qoldap, qol qoıdy. Taldyqorǵandaǵy oblystyq saılaý komıssııasyna barlyq qujattardy ótkizdik. Ol jerde bizge naqty 16 525 daýystyń durys dep tanylyp, eseptelgenin jetkizdi», - dedi «Aq jol» Demokratııalyq partııasynyń Almaty oblysy boıynsha fılıalynyń tóraıymy Meırash Shynasılova.
M. Shynasılovanyń sózinshe, kandıdatqa úmitkerge qol jınaýǵa 50 adam atsalysqan.
«Almatynyń irgesindegi Qarasaı, Eńbekshiqazaq, Іle sııaqty iri aýdandardyń halqy jaqsy belsendilik tanytty. Bir ǵana Qarasaı aýdanynan 2020 adam kandıdatty qoldap, qol qoıdy. Al eseptelmeı qalǵan qoldarǵa basty sebep, turǵyndar arnaıy paraqshany durys toltyrmaǵan, qate jibergen», - dedi partııa ókili.
Aıta keteıik, Danııa Espaeva Qazaqstandaǵy prezıdent saılaýyna túsip otyrǵan alǵashqy áıel.
