Prezıdenttikke úmitker 11 adamnyń 5-ýi ǵana belsendi jumys isteýde - OSK
ANA. 24 aqpan. QazAqparat /Aıdar Ospanalıev/ - Ortalyq saılaý komıssııasynyń tóraǵasy Qýandyq Turǵanqulovtyń aıtýynsha, osy ýaqytta kandıdatýralary Konstıtýtsııa men «QR Saılaý týraly» konstıtýtsııalyq zańnyń talabyna saı dep tabylǵan Prezıdenttikke úmitkerlerdiń barlyǵyna qol qoıý paraqtary berilip,
olar qol jınaýǵa kiristi. Bul týraly OSK tóraǵasy búgin kezekti májilis barysynda aıtty.
Onyń málimetterine qaraǵanda, qol jınaýdy Prezıdenttikke úmitkerdiń senim bildirgen adamdary júrgizedi. «Óńirlerden kelip túsken aqparattarǵa qaraǵanda, 23 aqpandaǵy jaǵdaı boıynsha, Prezıdenttikke úmitker Musaǵalı Dýambekovtyń senim bildirgen adamdary elimizdiń 13 óńirinde tirkelgen. Al úmitker Sálim Ótenniń senim bildirgen adamdary ázirge 5 óńirde jumys istep jatyr. Sondaı-aq Jambyl Ahmetbekovtyń adamdary elimizdiń barlyq 16 óńirinde qol jınaýmen aınalysýda. Ǵanı Qasymov pen Mels Eleýsizovtiń ókilderi de qol jınaýǵa belsene kiristi. Bul kandıdattardyń ókilderi elimizdiń 15 óńirinde tirkelgen. Atap ótetin másele, J.Ahmetbekov pen Ǵ.Qasymov jáne M.Eleýsizov ózderin qoldaıtyn partııalardyń fılıaldary men ókildikterin keńinen paıdalanýda. Al ózge úmitkerler tarapynan ázirge belsendilik baıqalmaıdy»,-dedi Q.Turǵanqulov.
