Prezıdenttikke ózin-ózi usynǵandardyń qol jınaý múmkindikteri shekteýli bolyp otyr- Q. Turǵanqulov
ANA. 28 aqpan. QazAqparat /Aıdar Ospanalıev/ - Ortalyq saılaý komıssııasynyń tóraǵasy Qýandyq Turǵanqulovtyń sózine qaraǵanda, kezekten tys Prezıdenttik saılaýǵa qatysý úshin ózderin-ózderi usynǵan azamattardyń qajetti qol jınaý múmkindikteri shekteýli bolyp otyr.
OSK tóraǵasynyń sózinshe, saıası partııalardyń elimizdiń ár aımaǵynda ókildikteri bar. Olar ózderi usynǵan kandıdattarǵa tıisti qol jınaý úshin aıtarlyqtaı jumys jasaıdy. Al aımaqtarda ókilderi joq, ózin-ózi usynǵan azamattardyń qol jınaý múmkindikteri shekteýli bolyp otyr.
«Aıtalyq, qazir Prezıdenttikke úmitker Sálim Óten elimizdiń nebári 5 óńirinde ǵana óziniń senimdi ókilderin tirkegen. Al qalǵan óńirlerde onyń senimdi adamdary joq. Sondyqtan, onyń tıisti qoldy qalaı jınaıtyndyǵy belgisiz. Sondaı-aq Gúldana Toqpaevanyń elimizdiń birde-bir óńirinde ókili joq. Qurmanǵazy Rahmetovtyń 4 óńirde ǵana senimdi ókilderi bar. Serik Saparǵalıdyń ókilderi elimizdiń bir óńirinde ǵana tirkelgen. Soǵan qaramastan, úmitkerlerdiń tıisti qol jınaýlary úshin áli de bolsa ýaqyttary bar»,-dedi Q. Turǵanqulov.
