Prezıdenttikke kandıdattyń saılaý qory qandaı qarjy kózderinen quralady
«Saılaý qory mynadaı kózderden quralady: jalpy somasy zańnamada belgilengen eń tómen jalaqy mólsherinen 12 000 eseden aspaýǵa tıis - kandıdattyń óz qarajaty, kandıdatqa ony usynǵan respýblıkalyq qoǵamdyq birlestiktiń bólgen qarajat. Bul 720 mıllıon teńgeni quraıdy. Jalpy somasy zańnamada belgilengen eń tómen jalaqy mólsherinen 15 000 eseden artyq aspaýǵa tıis respýblıka azamattary men uıymdarynyń erikti qaıyrymdylyqtary. Ol 900 mıllıon teńgege teń. Belgilengen mólsherden artyq túsken aqsha qarajaty saılaý qorlaryna esepke alynýǵa jatpaıdy jáne olardy qosqan azamattar men uıymdarǵa qaıtarylady», - dedi ol.
Onyń atap ótýinshe, deregi joq qaıyrymdylyq qarajattary respýblıkalyq bıýdjet kirisine engiziledi. Saılaý qorlaryna tek zańdy jolmen alynǵan qarajat jiberilýi múmkin. Saılaý qorynyń qarajatyna ıelik etý quqyǵy tek Qazaqstan Respýblıkasynyń prezıdenttigine kandıdattarǵa ǵana tıesili.
«Saılaý qory qarajatynan kandıdattar:
birinshi, kez kelgen tirkelgen buqaralyq aqparat quraldaryna shyǵýǵa;
ekinshi, saılaý aldyndaǵy jarııa is-sharalardy jáne saılaýshylarmen kezdesýlerdi uıymdastyrýǵa jáne ótkizýge;
úshinshi baspa, dybys-beıne jáne ózge de úgit materıaldaryn shyǵarýǵa jáne taratýǵa; - tórtinshi, zańdy jáne jeke tulǵalardyń úgit jumysyn uıymdastyrý jónindegi qyzmetterine aqy tóleýge;
besinshi, prezıdenttikke kandıdattardyń jáne olardyń senim bildirgen adamdardyń saılaý aldyndaǵy kólik jáne issapar shyǵystaryn jabýǵa;
altynshy, saılaý naýqany úshin arnaıy ázirlengen baspa materıaldaryn, onyń ishinde bezendirilgen materıaldardy, sondaı-aq omyraýǵa taǵatyn belgilerdi, jalaýlardy, jalaýshalardy jáne basqa da belgiler men nyshandardy tegin taratý úshin daıyndaýǵa arnalǵan shyǵyndardy tóleýge quqyly», - dedi Sabıla Mustafına.
