Prezıdenttikke kandıdattardy memlekettik tilden úlken emtıhan kútip tur - OSK-nyń tóraǵasy
ANA. 7 aqpan. QazAqparat /Aıdar Ospanalıev/ - «Sońǵy ýaqytta respýblıka azamattarynyń memlekettik tildi bilý deńgeıine qoıylatyn talaptar joǵarylady.
Sondyqtan Memleket basshysy laýazymyna kandıdat úshin bul óte mańyzdy másele», - dedi búgin Ortalyq saılaý komıssııasynyń tóraǵasy Qýandyq Turǵanqulov atalmysh komıssııanyń otyrysynda.
Onyń sózine qaraǵanda, bul máselede kandıdattardyń aldynda aıtarlyqtaı qıyn da jaýapty emtıhan tur. «Elbasy óziniń qańtar aıyndaǵy Joldaýynda aldaǵy jyldary halyqtyń 80 paıyzǵa jýyǵy memlekettik tildi meńgerýi tıis degen maqsat qoıǵan bolatyn. Olaı bolsa, saılanǵan Prezıdent halqynyń basym kópshiligi qazaq tilin biletin memleketti basqaratyn bolady», - dedi Q.Turǵanqulov.
